天然時冷時熱, 加上經常夜睡, 抵抗力減低, 經常容易喉嚨痛, 氣虛易疲倦, 實在需要在食療上滋補一下, 又要衡量全家人包括小朋友也愛飲用, 加入藥材同時亦要顧及湯水的吸道, 這款響螺頭紫花果沙參湯就最滋補養陰, 可增加抵抗力, 止咳潤肺, 同時改善小兒便秘問題.
目前分類：魚之食譜 (165)
- Apr 29 Sun 2018 18:32
[湯水] 滋陰防便秘 ~ 響螺頭紫花果沙參湯
- Apr 16 Mon 2018 02:02
[湯水] 轉季氣管感敏, 傷風痰咳~ 龍脷葉天山雪蓮麥冬海星潤肺湯
天氣時冷時熱, 真係好易病. 爸爸今年氣管敏感發作, 周不時咳個不停, 尤其遇着轉天氣或空氣質素差的時侯, 就更加嚴重. 要紓緩氣管敏感, 傷風咳嗽既情況, 煲D止咳潤肺既湯水補充下都好有幫助. 今次介紹這款以龍脷葉, 麥冬, 石黃皮, 雪梨乾, 海星加天山雪蓮果煲既湯水, 有止咳化痰既功用, 味道仲十分鮮甜好味, 小朋友都一定喜歡飲.
- Mar 21 Wed 2018 02:19
[湯水] 經常捱夜滋陰湯水~淮山杞子響螺頭湯
日常照顧小朋友, 真的忙得不可開交, 準備一家人的三餐, 帶小朋友親子玩樂, 還有大大小小的事務處理, 老實說, 一天過後已疲憊不堪. 奈何要換點自由時間, 就得等小朋友睡了才有, 所以即使攰, 也十萬個不願意睡, 晚晚捱到1,2點都只為平衡生活和心靈. 長期夜訓, 對身體當然不好, 所以我也經常煲一些滋陰的湯水調理身體, 響螺頭不單味道鮮美,而且有滋陰補腎的功效, 這款湯水, 適合一家人補身, 尤其適合經常捱夜, 睡眠不足和壓力大的爸爸媽媽們飲用.
- Mar 15 Thu 2018 01:54
[幼兒料理] 健康有營~紫薯意大利飯
一向都喜歡吃意大利飯, 但平時去餐廳多數都係用忌廉, 南瓜, 黑松露等作為主要配料, 想吃出點心思, 又有營養, 不妨試下加入好多人都好喜歡的紫薯, 而且用牛奶代替忌廉, 無咁肥又好岩小朋友食, 而且意大利飯比較軟身, 給1歲以上既小朋友食都無乜題. 配料可以隨意選擇, 以雞肉, 魚柳代替大蝦也可以, 牛奶則可以配方奶代替, 更適合年紀小既小朋友食用呢.
- Mar 04 Sun 2018 11:58
[食譜] 粟子淮山杞子排骨湯
天氣開始潮潮濕濕, 乍暖還寒, 又是病菌滋生的季節了. 每年這個時侯, 濕疹就得容易發作, 除了要多飲去濕湯水外, 要身體打好底子, 健脾也十分重要. 脾藏的功能是幫助食物消化和吸收、還和神經、代謝、免疫、內分泌等系统的功能有關, 因此脾臟某情度上跟人體免疫力亦息息相關. 經常飲凍飲, 吃煎炸油膩重口味食物,會有損脾胃功能. 健脾去濕是春天的主要食療, 今次介紹一個十分可口美味, 又能健脾的湯水給大家, 一家大細都岩飲.
- Feb 24 Sat 2018 16:15
[食譜] 賀年糕點變身~ 黑松露牛柳粒炒蘿蔔糕
新年過後, 真係食糕食到滯晒, 食足幾餐, 雪櫃仍有不少蘿蔔和芋頭糕, 煎到厭, 不如加點創意, 把賀年糕點入饡, 變成一碟餸, 做個黑松露牛柳粒炒蘿蔔糕, 咁就唔怕擺到壞浪費左啦.
- Nov 15 Wed 2017 01:43
[食譜] 補氣寧神舒緩腰骨痛~ 杜仲牛大力黑豆煲烏雞湯
家中有小孩, 平時煲湯多以滋潤或清熱為主, 甚少煲藥材湯. 但近日有感自己體能下降, 容易腰酸背痛乏力, 湊小朋友可真不是件輕鬆的事, 坐月時也沒太多進補, 身體難免變得虛弱易攰, 趁入秋進補一下. 今次用上烏雞加杜仲, 牛大力, 巴戟, 能舒筋通絡, 改善關節酸痛, 腰頸手痛等爸爸媽媽常見的問題. 這個湯補而不燥, 喝後的幾天身體感覺較温熱, 冬天飲用最好, 能行氣活血和暖身, 人也精神一點.
今次也加入了紅棗, 黑豆, 有補氣血, 補腎, 改善手腳冰冷的功效; 而伏神則有寧心安神之效, 可舒緩精神緊張, 失眠情況. 配合滋補的烏雞, 功效更好, 產後的媽媽也適合飲用, 而且味道帶微甘而不苦, 容易入口.
- Nov 15 Wed 2017 01:03
[食譜] 轉季潤肺防感冒~魚腥草甘筍桔餅湯
天氣開始轉涼, 氣温反覆, 這個季節十分易病. 為了增強QB的抵抗力, 近來經常買魚腥草來煲湯. 魚腥草有抗菌,利尿,消腫,清熱解毒功效, 對所有炎症, 濕症, 感冒初發也有舒緩作用, 新鮮魚腥草帶有濃烈腥味, 並不討好, 但浸洗和煲熟後, 腥味完全消失, 湯水十分清甜, 很適合一家大細飲用. 今次這個湯加入桔餅, 南北杏, 百合, 潤喉潤肺, 很適合秋天乾燥, 喉嚨和氣管易敏感的人飲用.
- Nov 14 Tue 2017 12:56
[食譜] 青檸芝士凍餅
- Oct 27 Fri 2017 01:42
[湯水] 面試前打好底~ 印度椰子粟米紅蘿蔔滋補燉湯
11月即將來臨, 意味着QB人生中的第一塲考試(K1面試) 也準備開始, 媽媽雖然沒有非名校不讀之心, 但畢竟在如此競爭大的環境, 要得到一間心儀幼稚園的學額也並非易事. 都說壓力留給媽媽, 我可真像自己去面試一般, 開始有點緊張起來. 面試在即, 媽媽着緊的並非孩子懂得多少, 會做多少, 反而是要好好保管她的身體, 萬一病了就真的糟糕了, 所以在日常生活, 玩樂, 飲食上我也稍作調節, 希望QB能Keep住健康的身體和輕鬆的心情去面對. 加上天氣轉涼和乾燥, 特別易病, 所以最近多了煲湯水給一家人飲用. 今次用印度椰子燉湯, 配上補氣血的藥材, 味道更香醇更滋補, 平時QB對湯水的熱情很一般, 今次卻一口氣飲了一大碗, 還嚷着要添, 可想而知味道有多清甜美味.
材料:
印度椰子 1個 (切小塊)
- Oct 25 Wed 2017 01:37
[食譜] 越式撈檬(配自製酸汁)拼香茅豬扒
一個全職媽媽, 每天都要諗早午晚餐, 有時加埋小朋友餐, 早早就頭爆了. 靈感這回事, 消失左好耐, 依排不想提早腦退化, 決定把諗食咩的重任交比爸爸. 腦袋放輕鬆了, 但不代表煮飯這回事也變得輕鬆, 老闆一聲令下想食乜乜乜...我就要搖身一變成為家庭魔法王, 把未煮過或唔知邊度揾材料的食物變出來, 自己都覺得厲害呀. 今趟老闆無啦啦話想食越南撈檬, 個晚就變左出來啦.
- Oct 12 Thu 2017 00:57
[食譜] 和漢日本多元益生菌食譜~ 日式白玉綠茶厥餅
眾所周知QB媽很愛吃, 又很喜歡下廚, 享受美食簡直是我生合中不能缺少的事. 不過經常食得多又食得雜, 難免會增加腸道負擔, 間中會出現肚谷谷, 便秘問題, 肚脹住不單外觀上有肚腩令人尷尬, 同樣會影響健康, 毒素積聚亦會今皮膚變差和暗啞, 想瘦身排毒清宿便, 我會選擇吃和漢日本多元益生菌.
- Oct 01 Sun 2017 00:30
[幼兒食譜] 原個南瓜燴飯配蜜糖雞搥
小朋友慢慢長大, 試問那個會不偏食? 無益的食物越愛吃, 有時即使煮了一枱有齊多種營養的食品, 也會不屑一顧, 久而久之我發覺新鮮感和賣相也相當重要. 即使是同一碟飯, 弄個公仔模樣或特別的擺盤, 也能提升他們的進食興趣. 今次我就用原個小南瓜燴飯加上蜜糖焗雞搥, 很可愛的造型, 果然得到小吃貨的青睞.
材料:
- Oct 01 Sun 2017 00:25
[幼兒食譜] 黑白芝麻豆腐飽
家中有個豆腐怪爸爸, 同樣出了個豆腐怪女兒, 十分愛吃豆腐, 不過豆腐始終比較常見是中式煮法, 今次搞下新意思, 拿煮餸用剩的豆腐來做麵包, 原來都得架喎. 仲好健康,口味清淡, 都幾岩一歲以上既小朋友食架.
- Sep 28 Thu 2017 01:24
[幼兒食譜] 香檸刁草焗三文魚配忌廉雜菜車輪粉
小朋友踏入2歲, 基本上可以跟大人同枱食飯, 食物既種類, 質感, 配搭當然彈性得多, 不過始終都要顧及營養, 味道, 新鮮感三方面, 才能取悅家中小吃貨又食得健康. 咁多種肉類中, 我最常煮魚比QB食, 無時間整時多以蒸或煎為主, 囡囡都好受落, 今次整個清新D既西餐, 用檸檬入饡, 配上焗刁草三文魚柳+ 忌廉雜菜車輪粉, 微酸的好開胃又特別, 大人細路一齊食都得, 仲好有益添.
- Sep 26 Tue 2017 00:31
[幼兒食譜] 親子一起做~ BB版健康<彩虹紫薯月餅>
一年容易又中秋, 今年QB已經2歲了, 除了可以一齊玩燈籠, 都可以一起做月餅. 小朋友可以吃的月餅, 當然要以低糖健康為主. 冰皮會是最好的選擇, 今年跟QB一起做彩虹紫薯冰皮月餅, 攞正牌Messy Play十分雀躍, 玩到不亦樂乎唔願停. 在我的協助下她"親手"做了5個, 即晚已急不及待吃了幾隻, 還不停強調是自己做的^^
- Sep 25 Mon 2017 00:16
[食諎] 玫瑰花茄子卷
連玫瑰花餃子都未整過, 竟然忽發奇想做玫瑰花茄子, 這根本跟撞牆差不多, 只能說是找死....讓我突然挑戰高難度, 只因在街市看見又圓又大的茄子, 覺得十分誘惑, 於是二話不說買回家去. 但茄子不是燒, 就是炆, 或魚香煮, 媽呀...好悶呀...左諗右諗竟然比我諗到捲玫瑰花..老實說, 我沒有看什麼食譜, 就誤打誤撞的做, 原來又不是太難, 只是功夫和耐性的需要吧. 秘訣是要先逐樣材料一一煮熟才捲, 才不會捲爛.
- Sep 22 Fri 2017 02:42
[湯水] 初秋滋補~ 蘋果南棗黃茋潤燥湯
不經不覺踏入9月尾, 氣温雖然還十分熱, 但開始感覺到乾燥的味道, 我最愛的秋天應慢慢的步近了. 踏入秋天, 飲食上也要有點改變, 開始吃多點滋補的食品, 防止喉乾鼻涸, 再加入一些平補的葯材一起煲, 能滋潤補肺, 小朋友都可以飲.
<蘋果南棗黃茋潤燥湯>
- Sep 16 Sat 2017 02:04
[食譜] 酸菜煮脆肉鯇
一向都比較少食淡水魚, 一來怕腥, 二來又多骨, 但今次見雪櫃有包開左既酸菜, 又唔想咁悶煮黃魚, 突然忽發奇想不如用脆肉鯇來煮啦. 平時打邊爐就食得多, 脆肉鯇比一般的鯇魚貴5成左右, 一塊仔要成三十蚊, 不過食過後就覺得物有所值. 雖然都多骨, 但勝在無乜細骨, 唔怕啃到, 而肉質結實爽脆, 魚味香濃, 有D似白鱔, 味道好獨特好好味, 加酸菜煮煮又可辟除泥味, 天氣咁熱, 食D酸酸味味既餸都開胃D啦.
材料:
- Aug 29 Tue 2017 16:32
[幼兒食譜] 涼拌手撕雞麻醬竹炭麵
炎炎夏日, 唔好話大人, 小朋友胃口都欠佳, 仲日日食粥仔, 真係難怪佢地拪手拎頭, 追住餵都無用呀...不如整D開胃既菜式, 等小朋友有D新鮮感, 自然乖乖食飯飯啦. 今次我做左個涼拌冷麵, 用上日式芝麻醬, 香口又開胃. 平時小朋友唔肯食蔬菜, 今次全部切幼絲撈埋一齊, QB又乖乖食晒喎, 見佢食得咁滋味, 我都好安慰.
