自言自魚 ShallRiceTalk

早前睇肥媽的節目, 介紹這種小椰菜, 某天經過街市竟然給我找到, 二話不說買些回來炒. 雖說椰菜其實也不是什麼特別食材, 但細細隻的的骰也實是可愛. 至於味道, 比一般椰菜多了一點青澀味, 味道更近似芥菜. 用來炒肉類十分適合.

食譜方面,爬舊文到以下連結會找到,不詳細再寫一次了. 

平時買野都算深思熟慮既我, 今次為ANOVA支慢煮神棍破例, 睇左唔夠1個鐘就落單, 比錢, 手起刀落無猶豫過, 全因實在太太太平, 自家慢煮這方法又太太太吸引, 只要一千蚊樓下就有交易,我買了wifi+bluetooth版, 早買早享受, 由落單到收貨只要3日, 無錯...係3日咋, 效率高, 心中熱情仍未冷, 收到第一時間當然要即試即用. 突然在平日買塊靚扒slow cook好似出師無名, 其實慢煮雖然係西式食法, 但諗諗下煮中菜都好岩, 炆牛腩, 豬手, 煮雞都好適合. 小試牛刀, 第一次開光比左隻雞... 今次獻醜黎個慢煮貴妃雞~ 

貴妃雞有點似滷水雞, 多一點的香料, 平時的煮法是先蒸熟雞再浸汁料, 但因要慢煮, 改一改方法, 把雞跟汁料一起煮. 

岩岩感冒剛癒, 但仍覺得很易疲倦和呼吸道敏感, 想煲些湯水潤下, 但感冒未清很多都不能喝. 平補清熱最岩, 加入海底椰可潤喉潤肺, 海星也有止咳化啖之用, 味道十分清甜可口之餘, 飲完喉嚨即刻很舒服. 作為日常保健湯水都可以.

唔知你地家中會唔會成日有食剩放左一段時間皺晒皮, 又未壞到要掉既水果? 最常見係橙, 蘋果和雪梨, 買一份3,4個, 通常最後個1,2隻總會被遺忘, 要唔浪費, 拎黎煲水就最好. 

芒果是我最喜愛的水果之一, 雖然老人家話濕毒, 但還是忍不住經常買來吃, 芒果用來做甜品就最正, 而當中我最喜愛的一定是冰涷的楊技甘露. 在甜品店吃要30多元一碗, 很貴之餘, 有時還遇着芒果少,太稀等情況, 要吃到合心水的不容易. 我想這甜品製作應該不難, 那不如自己動手做, 要幾多芒果, 多少西米, 稀杰都可按個人喜好加入, 保證食到最岩口味的. 而楊枝方面, 我喜歡用金柚多於西柚, 苦澀味會比較少, 亦不容易出水影響口感.

成日都聽到"惜食"兩字, 其實日常生活中有好多好似無乜用既食材, 原來仲好有價值, 利用廚餘煮食, 仲可做出美味佳餚架. 大家食完蝦既蝦頭, 蝦殼通常都會掉左佢, 但原來這些才是蝦味的精華所在, 用來煲湯唔單止唔會浪費食物, 仲好濃味好好味添.

自煮食大權交到菲傭姐姐手中後, 我入廚的次數真買少見少, 但仍很堅持每星期若情況許可,就煮一天, 當然會是比較特別的菜式, 不會是一般家常便飯啦. 前幾日行Aeon遇着特價日, 見到近來不是當造的小南瓜, 只要$5隻, 二話不說抬了2隻回家, 今次做個簡易甜品 - 焗南瓜西米布甸

早前在中環某西式超市看見很有趣的薯仔粉, 反正未吃過, 二話不說就買了. 一直想不到怎麼煮, 後來想到家中有幾隻大蝦, 因早前皮膚敏感一直未有機會煮, 近來康復了, 又想清清冰格, 就想到用南瓜忌廉一起煮, 想不到味道超好, 超煙韌, 還有少少酒味, 口感和味道也十分特別呢～

既不是韓迷, 又沒特別迷戀那一位OPPA, 但就是對韓式料理情有獨鐘, 甚至有點兒超越日本料理, 之前做了炸雞和人蔘雞, 一於一不離二, 二不離三, 再來一味啦. 今次做韓式泡菜海鮮煎餅, 我去親韓國餐廳都會叫架.

韓式人蔘雞, 聽落都覺得滋補, 好似比較適合冬天吃, 但偏偏在炎炎夏日給我遇上新鮮的韓國人蔘, 忍不住買了一pack, 有人蔘就自然想到做人蔘雞湯. 韓式的人蔘味道清而甘, 不會太搶, 所以做韓式人蔘雞的重點也在清和香, 不用太濃味, 清淡滲出人蔘的甘香就夠, 夏天喝一樣能生津解湯, 當然要開着冷氣才好:P

星星後有太陽, 遲下應該到銀河, 但韓食潮流就一直未減退過, 之前在某食店吃過韓食炸雞後, 竟再次上癮, 想起反正家中有韓式辣醬和辣椒粉, 那就來個自家製炸雞配啤酒啦.

台式蛋餅在香港不算太流行, 也比較少地方供應, 但那清香蛋味加上煙韌口感, 卻令人回味. 自己製作也不算困難, 當然煎蛋皮時比較考功夫, 我也要多加練習, 但第一次做還算不錯吧.

上一篇出了肉燥飯食譜, 今次就整鹽酥雞啦. 其實我係同一日煮的, 不過分開2篇出就會清楚一點. 平時去台式料理店, 鹽酥雞都係我9成會點的菜式之一, 鐘意佢惹味得來口感又特別, 雞件上一粒粒的脆粉係重點, 知唔知係用咩粉先做到咁既效果呢? 答案係....木薯粉!(亦即地瓜粉), 看似好難做, 其實又係超簡易, 而且唔駛太多時間預備, 有興趣就睇下點整啦:

眾多台式料理中, 肉燥飯和鹽酥雞應該是我的2大至愛了. 近乎每次也會點, 獨愛那濃濃的香氣, 心想要如此入味, 應該要花上不短的時間. 直至某天心血來潮在網上找食譜, 細看之下發覺原來做法非常簡單, 把心一橫自家做吧~

今年提早食左團年飯, 在準備菜單時不想又是茄汁蝦碌, 蒸海斑, 想做點功夫菜, 加上我和老公都好喜歡食豬手, 就一於挑戰難度, 做個紅燒元蹄. 做元蹄並不難, 只是在最後的起骨步驟要有點耐性才不怕破壞元蹄的賣相. 不過新年買豬手, 就一定比平時升價, 一隻大豬手售80大元, 價格比平日高出2-30元, 作為團年飯, 也沒有所謂啦~  

上星期大家經歷了凍到入心的真寒流, 好耐無試過咁凍真係有D意猶未盡. 天氣回暖番都唔怕, 無寒流, 仲有韓流, 而且一興就好幾年, 連飲食都要韓先夠潮. 之前行過凍肉店, 見到一排一排既牛肋條, 好鬼吸引, 買左返屋企再諗諗煮咩好, 最後就整左個韓式辣醬炆牛肋條, 容易做, 又好鬼入味同稔, 天寒地凍, 放在石頭窩上枱, 熱辣辣食得特別窩心.

這個甜品已經做過很多次, 但近日甚少烘焙, 只是某天老公一句說很想吃, 第二天我就做了. 做法好像有點複雜, 其實主要分三part, 還可以預早一天準備好批底和金寶牛油粒粒, 減低了一氣呵成的辛勞.