記得以前年輕時, 最愛吃自助餐, 一個月總會吃上1-2次, 而且最喜歡吃酒店那貴價buffet, 因為可以由6點半吃到9點半, 戰鬥力極強, 回本無難度. 但近年自問不復當年狀態, 不單止沒有了食極唔肥的條件, 而且食少少也很快覺得飽了, 所以昔日的buffet女王, 如今只是很間中才會吃一次, 熱愛吃刺身壽司的兩夫婦自然最經常光顧日本放題了.
之前金田在荃灣悅來酒店有分店, 也吃過好幾次, 覺得食物不錯. 這次我們兩小口想起很久沒吃放題, 放工尖沙咀比較就腳, 就選這邊的金田再戰放題. 位於寶勒巷, 地點便利, 但街上人不多,還以為不會有太多食客! 平日晚市2小時放題每位$198, 我們選了6-8:30的時段, 到逹的時間是6:45左右, 因一早book了位, 不用等就能入座. 這時店內已坐滿了客人.
店內的座位不少, 有可座4-6人的靠牆卡位, 而二人枱中間的空間比起某些之前食過的人氣放題店大, 空間雖不算很大, 但也算是不錯.
金田放題的食物分了A-L 12類, 點菜紙放在透明架上, 一目了然, 想吃什麼就自己劃紙仔. 種類分別有一品料理, 刺身, 軍艦/卷物, 串燒, 燒物, 天婦羅, 鍋物, 壽司, 手卷, 鐵板燒, 炸物和沙律, 選擇也十分多, 大家選自己愛吃的, 不用就來就去最好不過.
主打當然是吃我們至愛的刺身, 這裡的刺身有14款, 而我們就集中點了三文魚, 油甘魚, 鱆紅魚, 鯛魚, 吞拿魚, 八爪魚, 魷魚,甜蝦, 馬刀貝. 雖然我們只有2人, 但份量一樣是寫幾多給幾多, 刺身size絕不細小, 三文魚,油甘魚等都切得頗厚, 而且上碟時鋪在碎冰上, 保持新鮮, 還有花花和熊貓裝飾, 賣相討好. 三文魚肥美油潤適中, 而最美味卻是平時甚少吃的油甘魚, 魚香濃郁, 口感實在, 所以之後再order第二round時也有encore. 另外魷魚也值得推介, 入口仍有少許漿口, 很有嚼勁, 十分新鮮. 甜蝦味道也很鮮甜, 入口即溶, 絲毫不鯹. 八爪魚, 鯛魚, 海螺都不錯.
壽司的款式不算多, 只有8款, 不過都是大路的選擇如三文魚, 鰻魚等, 我們點了火炙三文魚, 醋鯖魚, 松葉蟹柳和鰻魚
火炙三文魚上層微燒焦, 還附有界開的紋理, 賣相很漂亮, 入口外皮温熱, 魚身仍是凍凍的, 魚油溢出, 味道較刺身三文魚還多層次感. 鰻魚燒得香口, 配上惹味的烤鰻汁, 肉身結實, 味道很好.
鯖魚酸酸的, 又有魚味, 吃起來不太油膩, 有少少開胃作用.
松葉蟹棒肉質一絲絲, 很有咬口, 能吃出蟹肉味道, 水準之作.
手卷也是每次必吃的, 今次點了軟殼蟹手卷, 手卷一上枱就要盡快食, 不要讓紫菜軟了影響口感. 軟殼蟹的size都幾大, 令整個手卷看起來很豐富, 而且能保持酥脆香口. 另外點了香蔥三文魚手卷, 蔥花清新, 配上豐腴三文魚, 配搭很好亦很fresh.
食過魚生刺身後, 這裡的熱盤選擇也很多, 先點了蒜片牛柳粒和芝麻雞翼. 牛柳粒不會韌, 幾入味, 加上香蒜片一起食, 味道更好, 更能提鮮肉味. 芝麻雞翼就普通啦, 上色幾靚, 但略嫌較淡.
天婦羅絕對係飽肚之選, 但每次我也會點最受的南瓜和蕃薯, 甜甜地又夠軟稔, 又可以中和一下之前的鹹食. 另外點了海老, 蝦的size不稀塲, 入口肉質是彈牙的, 不會霉, 吃下去又不會一口粉, 而且不油膩, 之後忍不住又encore了一次.
鐵板燒類的選擇也頗多, 其中有關西名物大板燒, 平時不多地方可以吃到, 當然要一試. 這個大板燒圓得很公整, 都幾可愛, 上面淋上了照燒醬, 沙律醬和木魚碎, 味道都唔錯, 表層脆內層軟糯, 雖然饀料不多, 不過煎得香口, 可以一試.
牛油帆立貝, 份量比想像中多, 用鐵板上保持熱辣辣, 一粒粒細小帆立貝可愛之餘, 仲好有鮮味,加上黑椒粒同炒, 惹味又不蓋過海鮮味道, 是飽飽地間塲的好選擇.
另外還有炸物, 不過因為都覺飽了, 所以只點了吉列廣島蠔和芝士年糕, 沒capacity試其他了. 吉列蠔炸得好挺身, 上面淋上照燒汁, 咬落去仍保持juicy, 蠔味都幾濃, 不錯. 芝士年糕是老公點的, 雖然外型圓碌碌十分可愛, 不過唔太愛芝士的我就少食, 老公話芝士味好濃好煙韌.
之後再encore了一次刺身和數件壽司, 已經飽到抱住個肚了, 都說現在的戰鬥力低, 換着以前(10年前左右) 這份量至多半飽!!! 所以好多款食物都無試到, 最後見到有雪芭食, 飽飽滯滯之下, 就叫了兩個. 分別有菠蘿和蘋果兩款, 其實這種用原個水果殼做的雪芭已經好耐歷史, 不過每次見到都會好開心, 因為外型實在太可愛. 而且外面買一個都有三, 四十蚊, 這裡大個一點, 賣$52都是成本價咁滯.
兩款中我比較鐘意蘋果味, 香甜一點, 食到飽飽來一口冰凍的雪芭, 真係好消滯好正, 又夠fresh,為我們這滿足的一餐劃上完美句號.
吃了甜品後, 都差不多夠時間, 第一輪的人走了大部份...我先有少少空檔去影下D環境, 第二輪的食客又在門外等緊準備入座, 應該都係full booking呀. 而這裡的食物質素, 絕對比已結業的荃灣分店好, 大部份食品都保持水準之上, 又新鮮又夠熱, 上菜亦快, 甩漏情況不多. 雖然職員做到無停手, 但一樣有求必應, 不會黑住面或扮睇唔到, 難怪咁多人去食. 平民價日式放題, 金田是很好的選擇!
金田日式放題Kaneda Japanese Restaurant
尖沙咀寶勒巷3-7A萬事昌廣場3樓302室
Tel: 2311 8328
聯絡產品試用和活動:
email: sherice_hy@yahoo.com.hk
Facebook page: www.facebook.com/MinibubbleCorner
Facebook page: www.facebook.com/MinibubbleCorner
❤Blogspot❤ ❤The Ztyle❤ ❤She.com❤ ❤weshare❤ ❤Qooza❤
❤iTrial❤ ❤Elle Blog❤ ❤F&B❤ ❤ My Cossip❤
❤UBeauty❤ ❤Pixnet❤ ❤Beauty Exchange❤ ❤Salad❤
❤Beauty Life❤ ❤Esdlife❤ ❤OpenRice❤ ❤博勢力❤
全站熱搜
留言列表
