成日覺得自己住係元朗, 有新食店一定要先試為快, 但實際卻又因為住得近, 有時遇着要等或排的情況, 就會立即打退堂鼓, 萌生擇日再來的念頭. 這跟住得越近越會遲到一樣, 所以, 直至朋友也山長水遠入來試了, 我還未試的事經常發生. 其中一間是這早前在報章雜誌有不少介紹的Couple & The Bao. 

一間外賣熱狗店, 有什麼吸引天天大排長龍熱, 每天到下午4-5pm全部熱狗就售馨? 

即叫即做, 加上每天新鮮哄焗限量供應的意大利飽應該是其中一個原因. 

星期日下午剛走到這邊, 即管碰碰運氣, 之前幾次來到已全部面包售罄了, 難得這天仍有存貨, 當然要試試. 

一共有9款不同的熱狗供應, 但這天其中幾款暫停, 售價約三十多元, 加$15變套餐, 有多一杯特飲. 價錢絕不算便宜. 

除了熱狗外, 還有幾款飯供應, 不過我相信大部份人對熱狗興趣大一點. 點了餐後因要即製, 要一點耐性等侯, 店鋪對面放了幾把太陽傘和小矮凳給客人在此進食. 感覺還算企理,當然吃完要有點公德心自行把垃圾放到旁邊的大垃圾袋中棄置. 

點了招牌的香蒜椒鹽無骨雞翼包($32), 加$15 要了一杯洛神花梳打. 大約等了10分鐘左右.

熱狗是即點即做, 所以保持到新鮮熱辣, 意大利包仍然飽滿, 很有空氣感, 沒有變濕或下塌. 

無骨雞翼啖啖肉, 一共有3隻, 都煎得很金黃, 加上粒粒炸蒜, 生菜絲, 飄來好惹味的蒜香雞翼味. 一啖咬下, 包仍很軟彈, 雞翼好嫩滑和惹味, 不過略嫌椒鹽味不夠, 似一般蒜香雞翼, 都好足料, 就算食到最後仍每口都有雞有肉, 唔洗吐骨的感覺實在美妙. 如果一個人食完一個都幾飽. 質素的確不俗, 難怪咁多人幫襯.

洛神花梳打酸酸甜甜的, 好解渴亦好清新, 天氣仍熱熱地, 飲這個好正. 

不知這間小店可不可以在小小的橫街迄立下去? 食物水準實在不錯,亦不是粗製濫造出品, 是有心的小店, 下次我想試焦煻洋蔥大啡菇包, 但一定要早, 遲了就分分鐘摸門釘. 


Couple & The Bao
Tel: 6856 4772
 
聯絡合作和活動:
email: sherice_hy@yahoo.com.hk
Facebook: Mini Bubble Corner

Blogspot❤ 
Pixnet❤ The Ztyle❤ ❤She.com❤ ❤weshare
Qooza❤ ❤UBeauty❤  ❤Beauty Exchange❤ 博勢力❤ 
Esdlife❤ 
 chef-diary❤ OpenRice❤ 
mamibuy❤ ubaby
arrow
arrow
    全站熱搜

    SheRiCe 發表在 痞客邦 留言(0) 人氣()