做媽媽真係好忙, 想剪個頭都唔容易, 平時好耐先剪一次髮, 而且每次要出九龍剪, 感覺費時又難安排時間, 所以一直想尋找屋企附近有無個好既Hair Stylist, 等我可以名正言順轉會!


​經朋友介紹下, 知道元朗千色店後面有間好大既Salon, 就係Unite, 平時行過無特別為意, 今次一於試下, 預早約左髮型師Ron幫我整頭.

​
推門入去, 地下層主要以裝飾為主, 有梳化, 掛畫, 好有home feel, 唔會一入門就比人行注目禮咁唔自在!

​Reception在一樓, 長長既樓梯有綠化牆設計, 令人感覺relax, 而且好整潔, 完全無壓迫感.
​
上到去, 發覺別有洞天, Salon好大好開揚, 可以同時容納好多人整頭髮.
​

因為我早上去既關係, Salon未算好多人, 我仲好悠閒咁嘆埋個早餐先開始整!
​
大家如果有印象都知我前一兩年玩色玩得幾勁, 又橙又紅又紫又綠, 咁Sharp既顏色背後, 當然有代價! 漂染得多, 髮尾又乾又開叉, 唔貼服. 染髮又Hold唔住顏色好快變黃, 所以真係好需要揾專業既髮型師幫我整返靚個頭, 又比D專業意見教我點護理.
​
今次主要都係想染返靚個頭過新年, 加稍為修剪, 令個樣望落精神D! 我成日覺得頭髮唔識長, Ron睇完我既髮質後, 解釋我知係因為髮尾太脆弱, 經常折斷, 所以就好似唔會長咁. 唯一既方法就係修剪受損既部份, 想留長真係要時間同耐性啦.

純染色好似有少少單調, 做少少Highlight有漸變色同層次感trendy一點! Ron先細心咁幫我挑出部份髮束漂色.
​
漂染過程係漫長既等待同等待, Kill Time一定係玩電話, 但又怕襟到無電? 唔洗擔心, 依度每張枱前都有USB插頭可以充電, 就算無帶線都唔怕, 問Salon職員會借比你, 相當貼心. 另外亦有熱茶供應.
​
又有好多雜誌可以睇, 唔怕悶. 如果諗唔到想整咩髮型, 依度有好多日本雜誌比你參考, 實揀到一款心水造型.

我仲留意到依度全部係用dyson風筒, 好型呀~
​
去Salon洗頭個Part可以係享受, 亦可以係折磨! 依度就絕對係前者, 洗頭既Area好大好新淨, 而且位置幾隱密, 唔怕一路洗比人望住晒咁尷尬.
​
洗頭間有5-6個位, 洗頭時職員都好細心調較水温, 又唔會彈到我一頭一面都係水, 手勢專業, 好舒服.

我仲留意到佢地細心地用鍚紙包住吊燈, 以免太光令客人不適.
​
另外, 媽媽好眼利咁望到依度有幾間VIP房, 其中一間仲有架車仔, 帶小朋友黎剪頭髮實好開心呢.
​
漂完髮之後Ron就幫我染色, 用左依款日本color啞啡綠色, 冷色調令頭髮望落無咁黃.

因為我D髮質比較脆弱, 所以係上色時同時用埋TOKIO INKARAMI既焗油, 修護髮絲.
​
依款焗油能將角蛋白和氨基酸注入頭髮最深層, 修護及防毛燥, 提升頭絲亮澤和強韌度, 令髮絲回復順滑輕盈.
​
於上色時一併修護, 方便又省時. 大約等40分鐘, 洗埋頭就完成啦!

做完Treatment頭髮真係順滑貼服好多呀, 加上微微修剪, 望落成個人都後生左.
​
睇返前後對比, 真係明顯柔順同有光澤左好多, 隻color加埋highlight既層次感, 我都好滿意呀.
​

我仲請教Ron要點先Keep到隻色耐D, 佢教我用直髮夾時度數只能100度左右, 太高温髮尾會變黃, 唔怪得之前我成日染完唔夠2星期就甩晒色啦, 又長知識了!

今次既體驗非常滿意, 除左環境舒適外, 最重要都係髮型師同自己夾唔夾, Ron係實事求事既髮型師,  唔hard sell, 親切真誠 (我其實都怕太多野講太social既類型XDD), 而髮型同效果都合我心水, 最重要係返企只需半個鐘, 咁近我, 以後都會Keep住黎依度揾Ron整頭!

​
Unite Hair Salon
地址:元朗紅棉圍3號厚德樓6號舖1樓全層

髮型師: Ron Lam
預約電話: 53137299
Facebook: https://www.facebook.com/53137299ronlam/
IG: https://instagram.com/p/BoQT1Wjnmy0/

合作邀稿, 文章內容全屬真實分享及個人意見, 只供參考之用~
arrow
arrow
    全站熱搜

    SheRiCe 發表在 痞客邦 留言(0) 人氣()

    E-mail轉寄