第一次食Joomak, 已深深被佢既炸雞吸引, 當時仲有仙氣水冷麵, 打卡一流夠晒Gimmick, 亦係新派韓食店中我最有印象的一間. 事隔一年多重來, 正值炎夏, 熱得胃口欠佳, 吹炸雞太油膩, 看到Joomak有新menu, 以素菜為主打, 走清新健康路線, 二話不說入內試試.

寛敞舒適的環境依舊, 不變的當然還有催燦的維港景緻, 在最近動盪的政治紛圍下, 這個港灣依然動人, 感謝大家的共同捍衛! 
在夏日Menu 中, 加入多款素菜美食, 包括3款素炸雞! 芥末素炸雞，韓式辣味素炸雞h和牛油果開心果炸雞醬. 
 
雖然很想吃辣的素炸雞, 但為了遷就女兒的口味, 最後選了開心果牛油果炸雞醬. 素炸雞的賣相跟真炸雞幾可亂真, 金黃素炸雞加上綠色牛油果開心果醬和乾檸檬片, 已令人有很夏日的感覺. 
如果不告訴你這是一件炸雞, 你可能會問為何炸雞有點硬; 素炸雞外層是豆卜, 內裡是麵筋饀料, 口感與真炸雞又有幾份相似, 但勝在口味清淡, 不油膩, 加上開心果牛油果醬香濃, 檸檬汁微酸, 很開胃很岩夏天食. 

除了炸雞, 還有純素鰻魚系列. 純素燒鳗魚炒飯鋪上原塊素鰻魚, 灸烤後的口感與真鰻魚無異, 掃上鰻魚汁相當香濃惹味! 飯面架上紫菜絲, 女兒很喜歡, 在素菜上又一啟發, 原來食素一點都唔單調. 
板燒未來豬肉漢堡扒生菜包 
完全吃素家中食肉獸受不了, 那就加少少真肉氣. 2塊漢堡扒, 還有生菜, 紫蘇葉和韓式醬汁. 
漢堡扒好玩之處在於要自己動手煎, 餐桌上的煮飯仔, 阿女最喜歡! 但其實漢堡扒本身也是熟的, 只要稍稍煎幾分鐘就可以了! 
漢堡扒內裡是芝心, 所以要自己加熱, 令芝士溶化. 芝味香濃, 加生菜和紫蘇葉食, 口感更豐富. 未來豬彈牙有嚼勁, 漢堡扒不鬆散, 保留肉汁. 吃肉同時吃蔬菜, 也健康一點.  
松子紅莓原味煎餅 
又是很特別的一款煎餅, 煎餅是鹹薄撐的做法, 口感份外彈牙. 鋪上紅莓, 松子仁, 火箭菜, 蛋黃醬, 紅莓甜甜地, 加上脆口的松子仁, 微甘的火煎菜, 味道卻是出奇配合, 值得一試. 
紅棗草莓雪沙
色澤已十分搶眼, 紅棗是女性恩物, 補血養顏, 加上草莓鮮甜, 是一款美顏的夏日凍飲. 
 
冰Storm梳打
冰藍飲料眼晴也感到沁心涼意, 刨冰下是菠蘿味梳打, 鮮渴冰涼, 炎炎夏日一飲涼透心. 
土耳其蘋果茶 
因為仲有點咳, 不宜凍飲, 於是我點了土耳其蘋果茶, 加入蜜糖一起飲用, 香甜温喉. 
夾好時間, 可看到幻彩詠香江, 有美食有靚景, 價錢相宜, 可以Bookmark再來.
地址: 尖沙咀廣東道3-27號海港城海運大廈3樓LCX 34號舖
電話: 21110851
 
arrow
arrow
    全站熱搜

    SheRiCe 發表在 痞客邦 留言(0) 人氣()

    E-mail轉寄