減肥尚未成功,秋冬已經來到......胃口又返晒黎! 大閘蟹,自助餐,BBQ,火鍋排住隊引誘我 今個月爸爸生日,寧舍有食神!前排就約埋一班朋友去8度海逸酒店嘆《環球海鮮自助晚餐》! 今次係第二次黎,因為食物水準好,價錢又唔貴,所以都係好多人黎食。秋天主題除左冷盤海鮮為主,亦特意加入多款限定海鮮熱盤,好岩涼涼地,又未太凍既天氣,絕對可以大快朵頤!






冷盤方面,有即開生蠔,雪花蟹腳、海蝦、小龍蝦、海螺等,供應源源不絕!我最推介一定要食蟹腳,好鮮甜多汁好好味! 五六日更有波士頓龍蝦供應,啖啖肉,食得好滋味.


熱盤方面,新加入有籠仔蒸海鮮,一人一籠,把雜線海鮮如大蝦、青口、蟹腳、帆立貝等用清蒸方式,保留海鮮的原汁和鮮味。而 四川麻辣海鮮煲,可自由配搭海鮮,包括扇貝、蝦、花甲、藍青口、蟹腳等……再加入麻辣湯底煮成惹味既海鮮鍋,麻辣程度唔係太搶喉個隻,基本上都岩香港人既口味,係食得到既辣! 值得推介既仲有酥皮焗黑松露海鮮,細細杯,外層係鬆化既牛油酥皮,內層係白汁海鮮,再加上黑松露調味,creamy中散出淡淡菌香,一定要試!


其他精選熱盤仲有煎鵝肝伴黑松露汁,桂花片皮鴨,泰式粉絲沙律,日式燒牛肉沙律,麻辣紅油雞等……



甜品方面,選擇一樣多,除左有招牌芒果拿破崙外,仲有芒果奶凍、榴槤蛋糕、蛋白梳乎里、紅桑子朱古力蛋糕等等,滿足到女士同小朋友既甜品癮!另外唔少得當然係任食雪糕,有多款Haagen-Dazs雪糕,包括柚子香橙雪糕及奇異果芒果乳酪, 糕配榴槤班戟,又有榴槤冰條任食,真係好難忍口! 食到咁鬼飽,小小罪咎感,大大滿足感... 冬天真係好難唔肥

8度餐廳
地址: 土瓜灣九龍城道199號8度海逸酒店地下
電話: 21261960


合作邀稿, 文章內容全屬真實分享及個人意見, 只供參考之用~

聯絡合作和活動:
email: sherice_hy@yahoo.com.hk
Facebook: Mini Bubble Corner

Blogspot❤ ❤The Ztyle❤ ❤She.com❤ ❤wordpress
weshare❤ ❤博勢力❤ ❤Pixnet❤ ❤Beauty Exchange
mamibuy❤ ❤Oh!爸媽❤ ❤ 親子日常❤ ❤sundaykiss
esdlife❤ ❤chef-diary❤ ❤OpenRice

    全站熱搜

    SheRiCe 發表在 痞客邦 留言(0) 人氣()