同完阿囡去同學生日會，順手出旺角辦下年貨，見唔算十分肚餓，老公提議食下魚生、壽司無咁飽滯，見銀城開左間新開日本野，除了刺身以外都有其他料理，小朋友都岩食，一於試試先！
因為我地6點幾就到，店內未有人，但到左食飯時間就開始多人啦。
上到9樓原來係分左兩間餐廳，另一邊係西餐黎。日本野環境都幾整潔舒服，又有卡位，感覺得幾舒服。
石板吉列霜降牛小排（$158）
見食評好多人推介，事實的確吸引，有和牛又有得自己燒，都係$158都幾抵！
小排份量都唔少，已包住一層吉列炸醬，個塊都佈滿油花，睇見都流口水。追加定食仲包埋昆布湯、日本米飯、漬物、溏心蛋。
燒熱既石板燒，大約每邊炙燙30秒就岩岩好，唔過生又唔會太熟👍牛小排油花好均勻，入口好甘香，牛味突出。吉列邊保黎到脆口，口感豐富，有得玩又有得食，一定要試！
極上七品刺身（$328）
有三文魚、油甘魚、牡丹蝦、活赤貝、海膽、 帆立貝和八爪魚。
唔止擺盤靚，刺身全部都好新鮮，牡丹蝦好大隻，口感有新鮮蝦既黏度，好鮮甜；我最回味既係厚切油甘魚，魚味香濃；活赤貝勁爽口，又有鮮味，真係好新鮮。
雜錦壽司拼盤（$208）
一客六件，其實有點小貴， 分別有三文魚、油甘魚、 帆立貝、海膽、三文魚子壽司，因為老公無飯不歡而點既。
每件都幾新鮮， 原隻帆立貝加上黑松露醬，兩者勁match, 好鮮甜好味。
海膽壽司入口即溶， 味道好鮮甜，唔會有怪腥味，連唔算十分喜歡海膽既我都覺得好味。
最後點左個菠蘿雪葩（$78）同蜜桃雪葩（$68） 兩款都好fresh好解膩， 我個人就喜歡菠蘿多啲，酸酸甜甜，隻味好突出，而且比較大個都幾抵食！
整體嚟講，食物質素都幾有水準，服務亦都有效率， 因為新開嘅關係環境有十分光鮮企理，坐得都好舒服， 成餐飯我都好滿意。 下次有機會可以再同朋友嚟食！
日本野
地址：旺角西洋菜南街2A號銀城廣場9樓
電話：3619 7478
合作邀稿, 文章內容全屬真實分享及個人意見, 只供參考之用~
聯絡合作和活動:
email: sherice_hy@yahoo.com.hk
Facebook: Mini Bubble Corner
❤Blogspot❤ ❤The Ztyle❤ ❤She.com❤ ❤wordpress❤
❤weshare❤ ❤Pixnet❤ ❤Beauty Exchange❤
❤mamibuy❤ ❤Oh!爸媽❤ ❤ 親子日常❤ ❤sundaykiss❤
❤esdlife❤ ❤chef-diary❤ ❤cook1cook❤ ❤OpenRice❤
留言列表
